Garbage trucks sa Mandaue, overpriced?

CEBU, Philippines — Gipahibalo ni Mandaue City Administrator Atty Gonzalo "Sally" Malig-on ang ilang tinguha nga pag-uli ngadto sa supplier sa duha ka mga garbage truck nga gipalit sa kanhi administrasyon niadtong Hunyo 2025 tungod sa gialegar nga overprice ang presyo sa pagpalit niini.

Sa press conference nga gipahigayon, gipadayag ni Malig-on nga ang maong duha ka mga garbage trucks nagkantidad og P21.9 milyones sa presyo nga P10.99 milyones kada usa.

Dugang pa ni Malig-on nga sa ilang mga pakisusi ang maomg matang sa garbage truck mapalit lamang  og P3 milyones kada usa ug ang pinakamahal niini dili molapas og P6 milyones

Sa dugang pagsusi, nasuta sab nga ang usa niini nakarehistro  usa ka sa pribadong tawo.

Ang City Department of General Services (DGS) pinaagi sa memorandum nga giluwatan ni Mayor Thadeo Jovito "Jonkie" Ouano, nirekomendar sa pagpugong lamang una sa pormal nga pagdawat niini hangtod nga ang supplier makahatag og makatagbaw nga pagpasabot labot sa canvassed price niini. IBM BANAT NEWS