Cyber porn sa Dumanjug giimbestigar

CEBU, Philippines — Gimando ni Cebu Police Provincial Office(CPPO) Director Police Colonel Christopher Bermudez sa hepe sa Dumanjug Municipal Police Station Police Major Mark Anthony Villanueva nga susihon kun duna pay laing insidente sa cyber pornography sa lungsod.

Kini human usa ka magtiayon ang nidangop kang Mayor Gungun Gica aron malimpyohan ilang ngalan labot sa pagkalambigit nila sa cyber pornography.

Matud ni Bermudez nakuhaan na nila og pamahayag ang menor de edad nga nalambigit sa hitabo ingon man ang mga kabanay niini.

Ang magtiayon pasakaan sab og kasong kalapasan sa Republic Act 7210 ug Republic Act 11930.

Nakig-alayon na sab ang CPPO sa Regional Anti-Cybercrime Unit-7 alang sa possible cyber warrant aron masusi ang mga ekipo nga gigamit sa magtiayon sa paghimo og cyber pornography. (BANAT NEWS)