Dumptruck misilaob sa CSCR sa brgy Consojong
CEBU, Philippines — Misilaob ang usa ka dumptruck diha sa Cebu South Coastal Road (CSCR) habig sa Barangay Cansojong, Syudad sa Talisay kagahapon sa alas 3 sa kadlawon.
Si Norman Michael Bas nga maoy nakakita sa panghitabo niingon nga kalit lang misilaob ang dumptruck sa iyang pag agi ug siya nagtuo nga nagdali na sa pagnaog ang drayber sa dumptruck kay wala man kini matarong sa pagparada.
Asoy pa ni Bas nga didto na niya nakita ang drayber sa truck duol sa gasolinahan nga igo nalang sa paglantaw sa dumptruck nga nasunog.
Suma pa sa City of Talisay-Traffic Operation Development Authority (CT-TODA) nga nakasinate og pagkabara sa dagan sa trapiko ang maong insidente.
Gisusi sa kabomberohan sa Dakbayan sa Talisay kun unsa ang hinungdan sa pagsilaob sa maong dumptruck. (BANAT NEWS)
- Latest















