Opisina sa LMP ipabalhin sa executive building sa Kapitolyo

CEBU, Philippines —  Bag-ong napili nga presidente sa League of Municipalities of the Philippines, Cordova Mayor Cesar "Didoy" Suan, mohangyo unya kang Governor Pamela Baricuatro nga mabalhin na ang ilang buhatan sa Executive Building sa Cebu Provincial Capitol.

Matud pa ni Suan, sulod sa dugay nang katuigan ang ilang buhatan anaa sa Legislative Building nga maghatag og kalisod sa mga mayor kung aduna silay mga concern sa gobernadora.

Nagkanayon si mayor Suan nga mohangyo siya ni governor Pam nga kung mahimo anha lang duol sa iyang buhatan ang ilang opisina aron mas dali sa mga mayor nga adunay tuyo kang Baricuatro.

Sa ingon niini nga paagi mas dali usab sa pagpatawag sa gubernadora kung aduna kini tuyo o concern sa mga mayor sa Probinsiya sa Sugbo. (BANAT NEWS)