Mayor Suan maoy bag-ong LMP President

CEBU, Philippines — Nanumpa na ang bag-ong napiling mga opisyal sa League of Municipalities in the Philippines (LMP-Cebu Chapter), human sa eleksyon nga gipahigayon kagahapong adlawa sa usa ka hotel sa dakbayan sa Sugbo.

Si Cordova Mayor Cesar "Didoy" Suan maoy napili nga Presidente sa LMP Executive Committee nga walay kontra.

Samtang ang napili nga  Vice President Internal mao si Mayor Teresa P. Alegado sa Consolacion ug ang VP External mao si Liloan Mayor Aljew Fernando J. Frasco.

Ang Secretary mao si Sogod Mayor Lissa Marie D. Streegan; Auditor si Madridejos Mayor Romeo A. Villaceran; Treasurer mao si San Remigio Mayor Mariano R. Martinez; ug ang PROs mao sila si Mayor Greman B. Solante sa Tudela ug Mayor Francis Edward T. Salimbangon sa Tabogon.

Ang board of directors mao sila Minglanilla Mayor Rajiv V. Enad, Boljoon, Mayor Joie Genesse N. Derama, Tuburan, Mayor Christian Daniel B. Diamante, Tabuelan Mayor Rex Casiano T. Gerona, Borbon Mayor Nico V. Dotillos, Samboan, Mayor Emerito Emmanuel D. Calderon, ug  Badian Mayor Jerome Christian V. Librando.

Ang maong kalihokan mipatapok sa 44 ka mga municipal mayors sa Probinsya sa Sugbo aron mopili sa ilang mga bag-ong lider sa ilang LMP chapter alang sa 2025-2028 nga termino. IBM BANAT NEWS