Frasco gustong ipa-upgrade ang CPH-Danao

CEBU, Philippines — Miduso og balaudnon si Distrito Kongresista Duke Frasco ngadto sa kongreso aron nga mosaka ang lebel sa status sa Cebu Provincial Hospital (CPH) Danao sa dakbayan sa Danao.

Ang House Bill No. 3313 nagtinguha nga mahimo na nga level 2 general hospital ang CPH-Danao nga tawagon nga North Cebu Medical Center.  Ang maong balaudnon giduso ni Frasco niadtong Agosto 6.

Tinguha ni Frasco nga mapalapdan ang operasyon sa maong tambalanan nga gidumala karon sa kapitolyo pinaagi sa pagsaka sa bed capacity ug pagdugang og mga personnel lakip na sa mga medical equipment aron mas daghan ang pasyente nga maserbisyohan niini hilabina ang mga taga norte.

"With the growing demand and limited access to quality medical care in Cebu's 5th district, the immediate passage of this bill is crucial to ensure that every Cebuano has access to safe, reliable, and life-saving healthcare," matud ni Frasco.

Ang CPH-Danao usa ka public hospital sa norte nga apil saa upat ka provincial hospital nga gidumala sa Probinsya sa Sugbo.

Ang maong tambalanan nga sa pagkakaron usa pa ka level 1 hospital, aduna kini CT Scan, radiology department, ug pipila ka mga ekipo sama sa digital radiography, electrocardiogram machine, ultrasound machine ug uban pa.

Samtang moabot sa tulo ka buwan nga maintenance nga tambal, cataract screening, free laboratory tests nga makuha dayon ang resulta ang mamahimong ma avail sa gibana banang 15,000 ka residente sa tersero distrito. Subay kini sa medical mission nga ipahigayn ni Cong. Karen Hope Garcia kinsa nagkanayon nga ang mga doktor gikan sa 1Life Community Health Care Management System uban sa SK Federation Presidents ang mopahigayon sa maong medical mission alang sa mga residente sa Toledo City, Barili, Aloguinsan, Pinamungajan, Balamban, Asturias, ug Tuburan.

Matud ni Garcia nga ang maong medical mission mas daku, kay mas daghan ang makabenepisyo kay mas gipalapdan pod ang health services.

Ang mga pasyente mahatagan sa mga libreng tambal, ug naa pod libre nga X-ray, ECG, urinalysis, test para sa mga mabdos, ug uban pa.

 Alang sa mga dili pa PhilHealth members, duna puy available forms para sila ma-enroll sa maong insurance sa gobiyerno.

Ang schedule sa maong medical mission nagsugod kagahapon sa lungsod sa Barili ug dayon sa Aloguinsa inig Agosto 12, Pinamungajan Agosto 15;

Sa August 19, 20, 21, ug 23 adto na sab sa Toledo City; August 25 sa Balamban; August 28 ug 29 sa Asturias ug September 4 ug 5 sa lungsod sa Tuburan. IBM BANAT NEWS