Armadong tawo sikop sa kapolisan
CEBU, Philippines — Nagtingkagol sa prisohan ang usa ka lalaki human kini gialarma nga armado, insidente nahitabo sa Barangay Guadalupe, Siyudad sa Sugbo kagahapon sa buntag.
Nasikop ang suspetsado nga si Marlon Ytang Aballer, 29-anyos, taga Lungsod sa San Remigio.
Gikataho nga ang Intelligence Operatives, Special Weapon and Tactic (SWAT) ug Traffic Management and Motorcycle Response Unit (TMRU) sa Cebu City Police Office nakadawat og report kalabot sa armadong tawo diha sa dapit.
Ang kapolisan dali nga niresponde sa alarma ug nasikop ang suspetsado.
Nasakmit sa kapolisan gikan sa suspetsado ang kalibre .45 automatic colt pistol nga walay serial number ug adunay tulo ka buhing bala.
Dihang gipangayoan ang suspetsado og mga papeles sa maong armas wala kini nakapakita.
Ang suspetsado mag-atubang og tukmang kaso sa nahimo niyang kalapasan. BDB BANAT NEWS
- Latest
