Drainage sa Barangay Bulacao padak-an
CEBU, Philippines — Padak-an ang drainage sa Barangay Bulacao, Dakbayan sa Talisay nga maoy pirme makasinati og pagbaha matag bunok sa uwan.
Kini maoy usa sa sugyot atol sa pakigtigum ni Talisay City mayor Gerald Anthony “Samsam” Gullas sa taga Department of Public Works and Highways (DPWH) ug mga kontraktor aron hisgutan ang maong problema.
Sa nasayran kanunay nga makasinati og pagbaha ang lugar sa higayon nga mobunok ang kusog nga uwan.
Gani adunay usa ka sakyanan ang nilutaw gumikan sa kalawom sa tubig baha sa dapit.
Lakip sa nasabutan nga motabang ang mga developer sa mga subdivision sa bukirang bahin sa siyudad nga mohimo sila og catch basin aron di na masinati pa ang grabe nga pagbaha diha sa nasudnong karsada.
Ang Aksyon Agad Team maoy nagsige og limpyo sa mga kanal sa pagkuha sa mga basura nga maoy makapabara sa tubig kanal. (BANAT NEWS)
- Latest
