Biometric ug ATM-based payroll system gipatuman sa Mandaue

CEBU, Philippines — Gipatuman na karon sa kagamhanan sa Siyudad sa Mandaue ang paggamit og biometric registration ug  ATM-based payroll system alang sa tanang empleyado city hall  nga naglakip sa job order (JO) workers ug mga contractual.

Kining duha ka pamaagi nga pagreporma nga nagsukwahi na sa nangaging pamaagi ang gitumong alang sa pagsiguro nga ang matag empleyado sa city hall nitambong kini sa trabaho nga maoy basehan sa ilangdawatong sweldo.

Gipatuman ang maong pamaagi base kini sa giluwatan nga memorandum ni Mayor Thadeo Jovito  “Jonkie” Ouano nga nagmando sa pagsunod sa official working hours ug  daily submission sa  records sa pagtambong sa trabaho ngadto sa Human Resources and Management Office.

Dugang gimando ni Ouano mao ang pagsul-ob kanunay sa mga kawani sa ilang  official ID cards sa matag oras sa ilang pagtambong sa trabaho sa pagsiguro nga ang gikatransaksiyon mao ang tinuod nga mga kawani sa kagamhanan sa siyudad.

Ang biometric mao na gamiton sa matag kawani pinaagi sa pagpanso sa ilang pagtambong sa trabaho ug ingon man ang ilang paggawas gikan sa ilang trabaho.

Samtang sa ATM maoy ikalambigit usab niini ang bangko nga maoy bag-ong pamaagi sa pakubra sa sweldo sa matag kawani sa kagamhanan sa siyudad. BDB BANAT NEWS