Pundo sa founding anniversary sa probinsiya ibahin sa caravan of services
CEBU, Philippines — Serbisyo sa katawhan nga mas nagkinahanglan pinaagi sa Caravan of Services apil na ang mga major surgery nga libre maoy himuong sentro sa ika-456th Founding Anniversary sa Lalawigan sa Sugbo.
Ang Kapitolyo nigahin og P25 milyones alang sa kasaulogan sa ika 456th founding anniversary sa probinsiya apan matud ni Cebu Governor Pamela Baricuatro maoy ilang gitinguha nga katunga lang niini ang gamiton nilang budget.
Si Baricuatro nagkanayon nga lakip sa gamitan sa pundo ang caravan of services apil ang mga medical mission nga dili lang kutob sa konsultasyon apan aduna usab kini mga major surgery o operasyon nga ilang himuon pinaagi sa pakig-alayon sa mga pribado nga tambalanan ug sa mga pundok sa medical sector.
Matud ni ni Dr. Elisse Nicole Catalan nga ang maong medical mission motuyok sa nagkadaiyang dapit sa probinsiya.
Si Catalan nagkanayon nga mopaubos sa pre-screening ang mo-avail sa surgery aron masuta kong makasugakod sila sa operasyon.
Gipadayag sa Kapitolyo nga sinugdanan pa lang kini sa pagpatuman sa saad sa administrasyon ni Baricuatro nga hatagan og prayoridad ang panglawas ug ilaha kining ipadayon pinaagi sa pagsuporta sa partner health care facility ug sa mga medical community. (BANAT NEWS)
- Latest















