BPAT gipaubos sa enhancement program

CEBU, Philippines — Malampuson ang gipahigayon nga enhancement program sa Barangay Peacekeeping Action Team (BPAT) sa Lungsod sa Cordova kauban nila nga boluntaryong nitambong mao ang gikan sa nagka lain-laing munisipyo ug dakbayan sa amihanang bahin sa Sugbo.

Ang BPAT enhancement program ang natigayon ubos sa Cebu Police Provincial Office PoliceHeadquarters nga gipahigayon sa Lungsod sa Borbon niadtong Sabado, Hulyo 26, 202.

Tumong niini mao ang pagpalig-on sa papel sa BPAT isip kaabag sa pagpabilin sa kalinaw ug kahapsay sa barangay. Sa maong kalihokan, gihatagan og pagbansay ang mga miyembro sa mga hustong pamaagi sa law enforcement, estratehiya sa pagpugong sa krimen, ug first response protocols.

Usa usab sa importante nga bahin sa pagbansay mao ang pagpalapad sa kahibalo mahitungod sa mga lagda sa balaod sama sa Akta Republika 8353 kun “The Anti?Rape Law of 1997”, Akta Republika 9262 kun “Anti?Violence Against Women and Their Children Act of 2004” ug Akta Republika 7610 kun “Special Protection of Children Against Abuse, Exploitation and Discrimination Act. Nasayran nga ang BPAT kaabag sa pagpatuman sa balaod sa pagpanalipod alang sa pagpadayon sa kalinaw ug kahapsay sa komunidad. — /BDB (BANAT NEWS)