Nadat-ugan og backhoe
CEBU, Philippines — Nakabsan sa kinabuhi usa ka truck boy human kini nadat-ogan sa backhoe nga natagak ilaha kining gikarga kini usa 10-wheeler truck diha sa Sitio Baksan, Barangay Pamutan, siyudad sa Sugbo niadtong Biyernes sa kadlawon, Hulyo 24, 2025.
Ang namatay mao si Mark, 19- anyos, taga dakbayan sa Naga. Duha sab ka truck boy ang naangol sa maong hitabo nga sila si Kive Alfere Navales, 26s, taga siyudad sa Naga ug si Glenn Formentera, 31, nagpuyo sa Lungsod sa Consolacion.
Samtang ang driver sa 10-wheeler truck mao si Gilberto Flores, 45 anyos, residente sa Lungsod sa San Fernando.
Sa imbestigasyon sa Traffic Enforcement Unit sa Cebu City Police Office nga base sa pamahayag ni Flores gikan sa siyudad ang trak padulong sila Barangay Pamutan ug giingong nagsubay sila og tungason nga dalan sa Sitio Baksan.
Ang backhoe nga gikarga kay nakakadena apan samtang nagdagan giingong natangtang kini ug natagak ang maong heavy equipment daplin sa karsada.
Tungod ani nag-iyahay og pangambak ang truck helpers aron makalikay sa pagkatagak sa ilang bug-at nga gikarga.
Apan usa sa mga truck helper nga si Mark napakyas sa paggawas sa backhoe ug maoy nadat-ogan kini.
Ang mga biktima daling gidala sa Vicente Sotto Memorial Medical Center apan si Mark gideklarar nga patay na sa mga nag-atiman nga doktor. (BANAT NEWS)
- Latest
