Prostitusyon sa Consolacion ipasusi

CEBU, Philippines —  Giawhag ni Board Member Larenz Lagon sa sixto distrito ang kapulisan sa lungsod sa Consolacion  nga tan-awon o imbestigahan ang gikatahong prostitusyon nga nahitabo sa  usa ka barangay sa maong lungsod.

Si Lagon miduso sa resolusyon pagtawag sa Chief of Police sa Consolacion aron mohimo og pakisusi sa giiingong operasyon sa prositutsyon sa Sta Lucia Square, Poblacion Oriental sa Consolacion.

Matud ni Lagon base sa iyang pakisusi ang giingong prostitusyon mahitabo gikan sa alas 7 sa gabii hangtud alas 11 sa gabii, diin aduna pay nalambigit nga mga minorde edad kun diin kuhaon ang mga biktima ug dayon dad-on sa motel.

"There are minors involve and men, women, both genders. One of my staffs and drivers who visited the area to check the people there. There were police roaming the area, when there are police in the vicinity, those people involved in the prostitution would hide, once the police done roaming around the area, they would go back ang continue their business,” matud ni Lagon sa mga sakop sa media.

Sumala sa bokal ang maong operasyon giingong nahitabo na sulod sa unom ka tuig.

Buot sa lokal nga mamalaod  nga masayran ang tibuok nga detalye sa maong prositusyon aron makagama siya og solusyon o mga lakang uban sa mga hintungdan nga ahensya sama sa kapulisan ug sa Department of Social Welfare and Development (DSWD). (BANAT NEWS)