Libreng Sakay Program gilusad sa dakbayan sa Sugbo
CEBU, Philippines — Gipangulohan ni Department of Transportation Secretary Vince Dizon ang paglusad sa Libreng Sakay Program dinhi sa Dakbayan sa Sugbo kagahapon.
Ang paglusad sa Libreng Sakay unang higayon kini sa Cebu sa Visayas samtang karong adlawa ilusad usab didto sa Davao sa Mindanao.
Matud pa ni Dizon, adunay 111 ka mga Modern PUJ nga nag rota ug 01k gikan Parkmall ngadto na sa Barangay sambag ug vice versa ang mobiyahe sa libreng sakay sugod Hulyo 23, 2025 hangtud na unya sa pagtapos sa administrasyon ni President Ferdinand Bongbong Marcos Jr.
Dugang pa ni Dizon, walay palyar ang libreng sakay tungod kay bisan ug weekends ug holiday libre gihapon kini sa tanan.
Napili nila ang maong rota tungod kay base sa ilang pagtuon ang maong rota maoy daghan og pasahero.
Ang Libreng Sakay magsugod sa alas 6 sa buntag hangtud sa alas 9 sa buntag ug alas 5 sa hapon hangtud sa alas 8 sa gabii.
P350,000 ang subsidy sa gobyerno kada adlaw sa kapin usa ka gatus nga units nga gigamit sa Libreng Sakay.
Ang National Government nitagana og P150 ngadto sa P160 million kada tuig sa maong proyekto.
Gipatun-an usab ni Dizon ang rota gikan sa Dakbayan sa Talisay ngadto sa I.T Park nga posibleng ilaha usab nga ablihan sa umaabot nga mga adlaw.
Ang Secretary sa DoTR nitug-an nga ilaha nga tan-awon ang yangongo sa mga traditional jeepney nga posibleng motyabaw sa maong programa.
Ang pangulo sa CCTO Raquel Arce, nitug-an nga napanglantawan niya nga dunay mga reklamo unya sa traditional jeepney sa rota nga maapektuhan niini. (BANAT NEWS)
- Latest
