Pushers ug mga wanted persons sikop sa SACLEO

CEBU, Philippines — Nadakpan  sa kapolisan sa Lapu-Lapu City Police Office (LCPO) atol sa usa ka semana nila nga Simultaneous Anti-Criminality Enforcement Operation (SACLEO) ang napulo ka suspetsadong pusher ug siyam ka wanted person nga naglakip sa duha ka most wanted person (MWP) ug pito ka other wanted person (OWP).

Ang ilang operasyon nagsugod niadtong Hulyo 14 hangtud sa Hulyo 20, 2025.

Si Police Lieutenant Colonel Christian Torres, tigpamaba sa LCPO nagkanayon nga nunot sa pagkasikop sa napulo ka suspetsadong street level individual (SLI) nga pusher ilang nasakmit ang 23.90 gramo nga shabu nga nagkantidad ngadto sa P162, 520 base sa standard drug price (SDP) value niini.

Matud ni Torres nga lakip sa ilang nadakpan ang duha ka most wanted person (MWP) nga nag-atubang og mga kasong murder, robbery ug frustrated murder diin walay piyansa nga girekomendar ang korte alang sa ilang temporaryong kagawasan.

Samtang ang pito nga other wanted person ang nag-atubang kini ginagmay nga kaso sama sa estafa nga giisyuhan sa kortes og warrant of arrest apan adunay girekomenar nga piyansa alang sa ilang temporaryong kagawasan. (BANAT NEWS)