CEC mihatag og P100K sa ilang labing unang board topnotcher
CEBU, Philippines — Uban ang tumang kalipay, ang Cebu Eastern College mipasidungog sa garbo nilang alumnus nga si Julie Marcojos Pañares sa usa ka simple apan mahinungdanong seremonyas niadtong Biyernes, Hulyo 11, didto sa CEC Gymnasium.
Ang espesyal nga okasyon gitambongan nilang CEC Chairman Frederick "Eric" Ong III, Board of Trustees Dwight Choachuy ug Jeff Go, Assistant Director for Business Affairs Johnny Lee Sy, Senior Liaison Officer John Mara-at, Academic Head Dr. Arlene Okora, College of Teacher Education Dean Prof. Charmaine Candia ug Human Resource Coordinator Dr. Darlene Tan-Rivera.
Sa makasaysayanon nga dungog nga mitatak sa kasingkasing sa matag Easternian, si Pañares mikulit sa iyang pangan sa bato isip labing unang board topnotcher sa CEC sa dihang mipahiluna siya sa ikalimang puwesto sa June 2025 Special Licensure Examination for Professional Teachers (Elementary) uban ang iskor nga 85.40 percent.
"This milestone is a testament to your discipline, resilience, and deep love for the profession you have chosen," matud pa ni Ong. "It is also a reflection of the dedication of our faculty, the support of your family, and the learning environment we have built together in this institution."
"To our dear topnotcher: You now carry not only your name but also the name of this school as a symbol of academic excellence and professional integrity. We hope you wear it with pride and humility. You remind us that teaching is not just a career but a calling - one that demands the best of heart, mind, and spirit," padayon pa ni Ong.
Sa talagsaon niyang nakab-ot, ang CEC mipahalipay ni Pañares og P100,000 nga insentibo, katunga niini iyang idonar sa simbahan.
Halandumon kaayo ang nahimo ni Pañares ilabi na kay napakyas siya sa una niyang pagkuha sa eksaminasyon pito ka tuig na ang milabay.
Apan wala siya mawad-i og paglaum hangtud nga nahatagan gyud niya og katumanan ang iyang damgo sa makapakurat pa nga paagi.
"Honestly when I found out that I am of the topnotchers I couldn't believe it because I even thought I couldn't pass," paambit pa ni Pañares. "So I felt overwhelmed and shocked but of course grateful that God has given me more than what I prayed for."
"It signifies not just a personal milestone, but also a sense of pride and gratitude for my alma mater," dason pa niya.
Niadtong mga buot mosunod sa iyang tunob, si Pañares adunay mga bulawanong pulong alang kanila. "Just don’t give up in the face of challenges and failures in life. Every rejection is a redirection. Failure is not the end, sometimes it's just the beginning of a beautiful journey. Above all, always ask for God’s guidance."
Sa pag-abli niya og bag-ong panid sa iyang karera isip magtutudlo, si Pañares misabwag og gugma ug pasalamat sa tanan nga nakaambag sa kalamposan nga iyang natagamtaman karon.
"To my family, I want to thank you for the unwavering support. To the Easternian community, thank you for being more than just a place of learning. I hope that my journey inspires future generations of CEC students to dream big and pursue their goals relentlessly," panapos pa ni Pañares. MEL BANAT NEWS
- Latest















