Nanunggab sa paryente balhog sa prisohan
CEBU, Philippines — Nabalhog sa prisohan ang usa ka lalaki human kini niunay og dunggab sa iyang paryente diha sa Green Village, Barangay Guadalupe, Siyudad sa Sugbo kagahapon sa kadlawon.
Ang suspetsado mao si alyas “Adrian”, 28-anyos samtang ang biktima mao si Arwin Gabijan Arriosa, 48, kasamtamang parehong nagpuyo sa nahisgutang lugar.
Base sa imbestigasyon sa kapolisan nga kalit lang nga gidunggab sa suspetsado ang biktima sa walay igong rason gamit ang kutsilyo gikan sa kusina.
Ang biktima nakaangkon kini og samad dinunggaban sa tuong bahin sa iyang tiil daling gidala diha sa Cebu City Medical Center (CCMC).
Ang suspetsado nasikop nila ni Police Patrolman Junel Jungco, Police Patrolman Jessie Neil Alburo ug Police Patrolman Raymond Lapoy.
Sa pakighinabi sa Banat News ang suspetsado nangangkon nga giunhan siya og kulata sa biktima hinungdan nga nibawos siya sa pagpanungban apan nipahigayon pa og imbestigasyon ang kapolisan kabahin niini. Anthony Despi, CNU Intern/BDB BANAT NEWS
- Latest
