2nd tranche sa Sugbu Negosyo gipahugtan

CEBU, Philippines — Si outgoing Governor Gwendolyn Garcia kauban ang Technical Working Group (TWG) mihisgot sa guidelines alang sa pagpang release sa ikaduhang tranche sa programang Sugbo Negosyo nga karon gipahugtan itandi sa unang distribusyon diha sa Capitol Social Hall niadtong Miyerkules, Hunyo 4.

Gibutyag ni Garcia nga 281 ka mga benepisyaryo gikan sa nagkadaiyang kalunsuran ug dakbayan sa lalawigan ang makadawat og tag P30,000.

Si Marlyn Brigoli, nga nagrepresentar sa TWG miingon nga gimugna ni nila ang Guidelines for the Implementation sa  tag P30,000 aron masigurado nga magamit ang kwarta sa hustong paagi subay sa tumong sa programa.

Usa niini ang pagkuha ug pagpakita og hulagway sa ilang negosyo sa kaniadto ug pagkahuman nga nadawat ang P20,000 ug ang karon P30,000 para makita kun unsay naabot sa maong kantidad.

Ang Sugbo Negosyo nitagana og P200,000 kada benepisaryo nga gitagi-tagi og hatag, apan sa dili pa ihatag ang kinatibuk-ang puhonan moagi sila og ebalwasyon kun kuwalipikado ba sila ani.

Kun kaniadto cash ang ihatag, karon cash cards na nga dunay QR Code nga magamit sa pagpamalit sa mga partnered stores, supermarkets, ug uban pang mga partnered merchants aron pagsigurong ang kantidad gigamit sa pagpalambo sa ilahang mga negosyo. 

Mipahimangno si Garcia sa mga benepisaryo nga kadtong dunay pagduhaduhang mapalambo ang puhonan, mas maayong mogawas nalang. — Clifford Bacon (BANAT NEWS)