Brigada Eskwela magsugod karong adlawa
CEBU, Philippines — Nahan-ay na ang tanan alang sa pagbukas sa klase karong Hunyo 16, 2025 apan sa dili pa, karong adlawa sugdan usab ang Brigada Eskwela.
Tumong sa pagpahigayon sa Brigada Eskwela aron wala na’y huna-hunaon ang mga tinun-an ug magtutudlo sa pag-abli na sa klase.
Gikataho nga kapin sa 500,000 ka tinun-an ang nakapa-enroll niining tuig tingtungha apan malaomon ang DepEd nga maabot nila ang target nga 1.5 milyon.
Nausab karon ang enrollment projection gumikan kay nabuwag naman ang NIR.
Si Dr. Salustiano Jimenez, direktor sa DepEd subling nipadayag nga hugot ang ilang pag-monitor sa kahimtang sa mga bata subay sa pag-uso karon sa MPOX.
Dugang ni Jimenez nga gipaniguro nila nga adunay protocol nga ipatuman diin lakip niini ang pagsiguro sa kalimpiyo ug ang paggamit sa blended learning kong gikinahanglan.
Ang DepEd mag-agad usab sa ipatuman nga protocol sa Department of Health. —/BDB (BANAT NEWS)
- Latest
