Mayor Garcia molarga ngadto sa laing nasud

CEBU, Philippines — Si Mayor Raymond Alvin Garcia, opisyal nga mobiya sa Dakbayan sa Sugbo sulod sa duha ka semana alang sa iyang official trip ngadto sa gawas sa nasud apan wala niini ibutyag ang lugar nga iyahang adtoan.

Matud ni Garcia nga dugay na kining plano niya uban sa iyang mga kaubanan kanhi sa Vice Mayor League of the Philippines kinsa siya ang kanhi presidente.

Ug karon aduna nay panahon ug kahigayonan hinungdan ilang ipadayon ang ilang kanhi plano ug mag-uban sila sa iyang mga kaubanan kanhi sa VMLP ngadto sa gawas sa nasud.

Si Bise Mayor Dondon Hontiveros una ang modumala sa Dakbayan sa Sugbo samtang wala si Garcia. (BANAT NEWS)