Mga konsehal sa Barug nanumpa
CEBU, Philippines — Nanumpa na sa katungdanan ang upat ka mga bag-ong napili nga mga konsahales sa Dakbayan sa Sugbo nga sila si Phillip Savior Zafra, Francis Esparis, Harry Eran ug Atty. Mikel Rama.
Ang upat mga konsehales nagagikan sa Partido Barug Team Rama-BagOng Sugbo ug nanumpa atubangan sa mga napili nga mga barangay kapitan sa siyudad.
Gipahigayon ang oath taking ceremony sa Casino Español kagahapon, Mayo 31, 2025 ug gitambungan sa ilang mga pamilya.
Lakip na sa mitambong ang mga kapartido nga sila si Bise Mayor Donaldo Hontiveros, Konsehal Noel Wenceslao, ug Konsehal Jocelyn “Joy” Pesquera.
Apil sab sa nanumpa si Congressman Edu Rama Jr. kinsa anaa sa iyang ikaduhang termino.
Sama ni Cong. Rama, anaa sab si ikaduhang termino si Konsehal Esparis ug ikatulong termino na kini ni Konsehal Zafra.
Magsugod sila Atty. Rama ug Eran sa ilang unang termino sa konseho kun diin hatod nila ang mga lab-as nga ideya sa mga pandayon nga mga ordinansa ug mahimong tingog sa mga kabatan-unan.
Ang standard bearer sa partido nga si kanhi mayor Michael Rama mipasalig nga iyang suporta sila si Zafra, Esparis, Eran ug ang iyang anak nga si Mikel.
Tambag niya sa mga konsaheles nga motrabaho lang ug dili apilan og perwisyo ug negosyo ang pagpanerbisyo. IBM BANAT NEWS
- Latest
