^

Banat Balita

Danao-made nga paltik napalit og terorista

Decemay P. Padilla - Banat

CEBU, Philippines — Ang Police Regional Office-7 mipuhag sa 15 ka mga buhatanan og paltik sa Danao City subay sa gipangusgang operasyon batok sa loose firearms ug sa mga namuhat niini. Nagkanayon si PRO-7 Regional Director Police Brigadier General Redrico Maranan nga duna sab silay nadakpan nga tigbuhat niini.

Nakakumpiskar sab sila og mga ekipo sa pagbuhat niini ug mga armas ingon man ang mga armas nga wala pa mahuman nga tanan nibalor og kapin sobra sa million ka pesos.

Ang tanang ebidensiya nga nakuha sa mga operasyon gipresentar kagahapon. Ang mga operasyon nagsugod niadtong Marso 21, 2025 sa Barangay Suba ug tulo ang ilahang nadakpan. 

Nasundan kini Marso 26 sa Barangay Cahungan diin daghang mga armas ang nasakmit; dayon Abril 25 sa Barangay Cahumayan, Barangay Masaba ug ang pinakauwahing operasyon nahitabo Mayo 20. Gihulagway ni Maranan nga sagad sa mga illegal gun manufacturing sites nakatago sa mga bukirang barangay nga layo ug dili daling matultolan sa otoridad.

Matud ni Maranan usa kini ka dakong negosyo tungod kay di lang mga lokal nga kriminal ang tigpalitan ani.

Sama matod pa sa usa ka Indonesian national nga si alyas Gobay nga giingong usa ka teroristang sakop sa Indonesian Liberation Army nga nadakpan sa Sarangani Province niadtong 2023.

Matud pa ni Maranan, Oktobre 2022 nisulod sa Pilipinas ang suspek agi sa Ninoy Aquino International Airport ug nipalit og M16 rifles sa ginganlan og Mr. Perez sa kantidad nga P300,000.

Pagka November 2022 nipalit kini og laing duha ka M16 rifles apan wala kini ma-deliver kay giilad.

Tunga-tungang bahin sa Nobiyembre 2022 niadto kini sa Danao City ug nakigkita sa usa ka alyas Cesar nga mamuhatay og paltik ug nipalit kini og napulo ka kalibre .9mm nga tag P50,000 ang kantidad, duha ka Ingram sub-machine gun ug mga bala.

Gibiyahe niya kini gikan sa Danao City pinaagi sa ro-ro paingon sa Ormoc City dayon padulong sa Butuan City, agi sa Cagayan De Oro City paingon sa Bukidnon dayon Carmen, Cotabato padulong sa Koronadal City dayon sa General Santos City paingon sa Maitum Sarangani balik sa General Santos City padung sa Davao City ug balik sa General Santos City sakay og passenger van.

Nibalik kini sa Danao City niadtong December 25, 2022 aron kuhaon ang mga gi-order nga mga armas ug gidala kini agi gihapon sa Cagayan De Oro City sakay og ro-ro.

Pagka Enero 5, 2023 sa Cagayan De Oro City gibiyahe ang mga armas pinaagi sa abag sa usa ka Ms. Tura padung sa Sarangani Province apan pagka Enero 7 nadakpan siya sa kapulisan.

“This is the proof that really the illegal guns coming from Danao City being made illicitly and illegally by people there are really coming in to the hands not only of local criminals but international terrorist. So ganyan siya ka delikado, now it’s high time for us to be serious in neutralizing and dismantling these illegal gun manufacturers in Danao City,” matud ni Maranan.

Gipasidan-an sa kapolisan ang mga barangay officials nga dili magpakabana sa pagpuhag sa mga illegal nga tighimo og armas sa ilang dapit. IBM BANAT NEWS

TERORISTA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with