Mayor Suan laing walo gipasakaan og disqualification case
CEBU, Philippines — Gumikan sa giingong halapad nga vote buying sa 13 ka barangay sa lungsod sa Cordova, Cebu, si kanhi mayor ug karon mayoral candidate Mary Therese Sitoy-Cho uban sa laing walo ka tawo ang misang-at og petisyon aron pag-disqualify ni incumbent ug reelectionist Mayor Cesar Suan ug laing walo kun ugaling sila modaug sa eleksyon karong Lunes.
Suma pa ni Suan dihang gikuhaan og reaksyon nga ilang katungod ang pag-file ug andam nila kini nga atubangon.
Gawas ni Sitoy-Cho, ang ubang complainants mao sila si Atty. Rounald Ave Sitoy, Cynthia Cuarenta, Enrique Durangparang III, Christopher Ligan, Anthony Pogoy, Samuel Sumagang, Jovelle Trangia, Roque Yburan, ug tanang miyembro sa Partido Federal ng Pilipinas-Cordova Chapter.
Samtang ang mga gireklamo gawas kang Suan mao sila si Vice Mayor Victor Tago III, ug ang mga midagan pagka konsehal nga sila si Liera Casquejo, Natileigh Marie Therese Sitoy, Jerome Lepiten, Remar Baguio, Lemuel Pogoy, Chito Bentazal, Jet Wahing ug Leira Casquejo.
Base sa ilang complaint nga niadtong May 7 ug 8, 2025, ang mga respondents pinaagi sa ilang mga supporters, staffs, ug mga leaders ang nihimo og halapad nga vote buying sa mga na rehistro nga botante sa pipila ka barangay sa lungsod sa Cordova.
Giingon nga apil sa lugar diin gipang apod apod ang kwarta mao ang Cordova Home Village; samtang sa Barangay Ibabao, gihimo kini sa panimay ni Mary Jane Pang Torres ug sa Nexus Store.
Gitug-an sa mga complainant nga ang botante uban sa mga saksi ang midawat sa kantidad nga P1,900.00 nga gisulod og brown ¼ size envelope nga dunay mga sample ballots ug ang pangan ni Suan ingon man sa iyang grupo ang naka-attached sa kwarta nga gipanghatag.
Dunay dili mominus sa 15 ka mga saksi nga giingong nakadawat og P1,900 matag usa ang nitestigo ug miadto sa headquarters sa mga petitioners aron motahu sa insidente. —Gikan sa The Freeman, MEL BANAT NEWS
- Latest
