Manag-amahan gidunggab sa "Rapist"  

CEBU, Philippines — Menor de edad nga babaye ug ang iyang amahan ang nangaangol human sila gipangdunggab sa usa ka gwardyang nisulod sa ilang pinuy-anan didto sa Upper Cadicay, Barangay Lawaan 3, Dakbayan sa Talisay niadtong Miyerkules sa kadlawon.

Ang biktima nagpangidaron og 16 anyos samtang ang iyang amahan mao si alyas Wilson, 39 anyos. Sa inisyal nga imbistigasyon sa kapolisan, nisulod sa pinuy-anan sa mga biktima ang suspek.

Naghubo na kini sa iyang sinina ug purol dayon nipatong sa menor de edad kay mosuway unta sa paglugos niini. Apan nakamata ug nakasinggit pagpangayo og tabang.

Apan gidunggab kini sa suspek sa walang bahin sa iyang lawas. Ang amahan bata nga nakamata ug nisuway paghamag sa suspek apan gidunggab sab siya niini sa liog ug sa bukton.

Niambak ang suspek sa ikaduhang andana sa pinuy-anan sa mga biktima nga hubo tanan.

Si Police Lt. Col. Maila Maramag, hepe sa kapolisan sa Talisay nibutyag nga nakarekuber nila ang puti nga t-shirt, usa ka blue short, itom nga boxer shorts ug pares sa tsinelas.

Ang mga testigos nakakita sa ebidensya nakahinumdom nga ang kataposang tawo nga ilang nakit-ang nagsuot niini nianang gabhiuna mao ang gwardiya nga ilang silingan.

Sa gihimo nga follow-up operation sa kapolisan natultolan ang suspek nga nag-duty pa isip gwardya sa edipisyo sa Syudad sa Sugbo.

Gidakop ang suspek ug gibalhug sa bilangguan nga pasakaan og kasong attempted rape ug frustrated homicide.

Sa laing bahin,  usa ka 32-anyos nga lalake ang gidakop human gipasaginlan nga nilugos sa 22-anyos nga babayeng iyang ka-boardmate diha sa Barangay South Poblacion, Dakbayan sa Naga niadtong Miyerkules sa gabii, Mayo 7, 2025.

Ang biktima usa ka tinun-an,  samtang ang suspetsado maintenance sa usa ka pribadong kompaniya apan parehong nag-abang sa boardinghouse sa maong dapit.

Sa imbestigasyon sa Naga City Police Station, gikataho nga nag-inom ang biktima ug suspek , hangtud nga nahubog ang biktima. Gikataho nga nananghid ang dalaga nga mosulod na kini sa iyang kwarto kay matulog kay nahubog na kini . Matud pa gi-lock sa biktima ang pultahan sa iyahang kwarto apan naabli gihapon kini sa suspek ug nisulod samtang siya natulog ug didto na gihimo ang law-ay nga binuhatan niini.

Human ang krimen, nidangop sa kapulisan ang biktima ug nihimo dayon og follow-up operation ug nadakpan ang suspetsado.

Miangkon matod pa ang suspek sa iyahang nahimo apan wala na mobutyag ang kapulisan kun unsay nagtukmod nga nabuhat sa suspetsado ang pag among-among sa biktima. Gikatakda nga pasakaan og tukmang kaso ang suspetsado. IBM BANAT NEWS