Cardinal Tagle ikatulo nga mobotar

CEBU, Philippines — Si Cardinal Luis Antonio Tagle maoy ikatulong cardinal-elector nga mobotar atol sa papal conclave nga mahitabo Miyerkules, Mayo 7, 2025 (Huwebes sa kadlawon sa Pilipinas) alang sa pagpili sa mohulip sa nitaliwang si Pope Francis.

Atol sa conclave, ang mga cardinal-electors vote mobotar basi sa "order of precedence." Gibasi kini sa ilang order o class ug petsa kun kanus-a sila natuboy isip sakop sa College of Cardinals.

Dili parehas ang gibug-aton sa boto, ang Santo Papa nga mapili makakuha sa two-thirds majority votes o 89 ka botos. Sa pagkakaron nga conclave, dunay 133 ka mga cardinal-electors nga mobotar.

Sa report sa Philstar.com gikan sa CBCP News nagkanayon nga si Cardinal Pietro Parolin kinsa maoy nagsilbing Secretary of State ubos ni Pope Francis maoy pinakaunang mobotar kay siya maoy pinak-senior sa tanang cardinal bishop nga sakop sa conclave.

Sunod niya si Cardinal Fernando Filoni, ang kanhi prefect sa Congregation for the Evangelization of Peoples nga mao na karoy gihuptang posisyon ni Tagle. Si Tagle nahimong cardinal bishop niadtong 2020. Samtang ang laing duh aka mga Pilipinong cardinals nga apil sa conclave naa na sa mga uwahing bahin kauban sa ubang mga cardinal-electors nga mobotar.

Sila mao si Cardinal Jose Advincula, Archbishop sa Manila, mobotar ika-72, samtang si Cardinal Pablo Virgilio David, Bishop sa Kalookan mobotar sa ika 103rd.

Kun si kinsa ang mapilian human sa eleksyon, papilion siya kun unsa iyang gamitong Papal name o pangalan, human niini, ipresentar siya sa makasaysayanong balkonahe sa St. Peter's Basilica. (BANAT NEWS)