CTU-Dumanjug makabaton og state-of-the-art solar powered building

CEBU, Philippines — Ang Cebu Technological University (CTU) -Dumanjug Campus ang makaangkon na unya og duha ka state-of-the-art nga solar powered academic building.

Gikataho nga niining ulahi lang gipahigayon na ang groundbreaking ceremony sa maong proyekto sa opisyales sa Probinsiya sa Sugbo pinangulohan ni Gobernador Gwendolyn Garcia ug Dr. Joseph Pepito, CTU president.

Ang Probnsiya sa Sugbo nigahin og P24.3 milyones alang sa pagtukod sa maong tulo ka andana nga academic buildings diin ang matag usa gilangkuban sa unom ka lawak nga adunay sukod o floor area nga tag 187.20 metro kwadrado.

Ang maong mga edipisyo gidesinyo aron pag-promote og sustainability diin butangan kini og solar power system white board armchairs, ceiling fans ug rain water catchment facilities.

Ang maong seremoniya nga gipahigayon niadtong Abril, 30, 2025 kinsa ang opisyales sa ika-pito nga distrito ang nitambong sa maong kalihokan. — /BDB (BANAT NEWS)