Responders gipaubos sa advanced firefighting techniques
CEBU, Philippines — Niabot ngadto sa 210 ka barangay-based responders sa Dakbayan sa Sugbo ang nakatapos sa tulo ka adlaw nga Advanced Firefighting Techniques Training Program nga gipahigayon diha sa Cebu City Resource Management and Development Center sa Barangay Taptap.
Base sa taho sa Cebu City Public Information Office nga ang mga responder naggikan sa 21 ka bukirang barangay sa siyudad nga gilangkuban sa Adlaon, Agsungot, Babag, Bonbon, Budlaan, Buot Taup, Guba, Kalunasan, Lusaran, Mabini, Malubog, Paril, Pit-os, Pung-ol Sibugay, San Jose, Sinsin, Sirao, Sudlon 1, Sudlon 2, Tabunan ug Tagba-o.
Ang mga responder nipaubos og simulation exercise ug gitudloan og unsaon ang pagbuhat og improvised nga fire extinguisher gamit ang tubig ug sabon.
Tumong sa maong pagbansay-bansay mao ang mas mahatagan og dugang kaalam ang mga responder sa siyudad sa pagtubag sa mga emerhensiya sa sunog nga mas paspas ug epektibo aron nga masiguro ang kaluwasan sa komunidad diha sa bukirang barangay.
Ug makabaton kini og dugang pamaagi sa pagparesponde sa mga forest ug rubbish fire nga posibleng mahitabo sa siyudad ilabi na karong panahon sa ting-init. — /BDB (BANAT NEWS)
- Latest
