Mobalibad, kolurom bantayan

CEBU, Philippines —  Nagsugod na ang Land Transportation Office (LTO)-7 sa pag-deploy sa ilang mga personnel sa public terminals ug mga pantalan sa Central Visayas agi og pagsugod na sa ilang "Oplan Biyaheng Ayos: Semana Santa and Summer Vacation 2025."

Mga drayber nga mamili og pasahero, kolurom ug badlungong mga drayber gipasidan-an ng daan sa LTO nga makasohan gyud kun mapamatud-an.

Matod ni LTO-7 Regionall Director Glen Galario nga ang ilang deployment nagsugod niadto pang Biyernes, Abril 11, 2025 ug matapos kini hangtod sa Easter Sunday, Abril 20, 2025.

"Our personnel will now be visible in major public terminals and ports in the region to inspect the roadworthiness of our public utility vehicles as well as ensure that the riding public gets to their destination safely," sigon pa niya. Tanang mga dagkong terminal s ug pantalan sa Probinsiya nsa Cebu, Bohol, Siquijor ug Negros Oriental maoy top priorities sa LTO-7 ilabi na kadtong daghan og pasahero.

Sigon ni Galario nga makapaabot gyud ang mga drayber ug operators sa mga pasaheroan nga dunay visual inspections nga himoon matag karon ug unya sa tanang PUVs sa dili pa sila makabiyahe diha sa mga terminals.

"Those that fail will still be given time to correct whatever needs to be corrected to make sure that their vehicles are worthy to transport the riding public, especially this season where an influx of passengers or the commuting public will go on vacation or come back home," ni Galario pa.

Gawas sa inspeksyon sulod sa terminals ug pantalan, mohimo sab og random joint roadside inspections atol sa operasyon ug susihon ang road worthiness sa mga pasaheroan, apil ang mga dokumento sa sakyanan ug mga drayber.

Ang mga pasaheroan pangitaan gyud og  balidong rehistrasyon ug prangkisa.

Nipahimangno  si Galario sa mga PUV drivers labot sa mga mamili og pasahero o mobalibad pagpasakay og pasahero ug uban pang kalapasan.

"Refusal to convey passengers to their destination, over/undercharging of fare, contracting passengers or operating with flagged-up meters, failure to provide fare discounts, and other acts which constitute a breach of the conditions of their franchise," pasidaan pa niya.

"Daghan ni sila karon, mao nga ato sab ni silang gipangbantayan kay mahulog ni sila nga nag-breach sa ilang franchise, naa puy kolurom ani nila. Atoa ning dakpon ug pahamtangan og igong silot o i-impound ang ilahang sakyanan,” sigon ni Galario.

Mahimo sab nga moduol ang publiko sa LTO-7 personnel diha sa mga terminals o pantalan aron i-report ang ilegal nga kalihukan nga buhaton sa mga PUV drivers o ba kaha mo -contact sa LTO 7 hotline nga 0962 446 0435. (BANAT NEWS)