Top 5 most wanted sa rehiyon nasikop

CEBU, Philippines —  Nadakpan sa mga operatiba sa City Mobile Force Company Cebu City Police Office ang 32 anyos nga lalake nga nalakip sa Top 5 most wanted person Regional Level sa Barangay Kalunasan, siyudad sa Sugbo.

Ang akusado mao si Pat Harlan Gono Abiso, 32 anyos, nagpuyo sa R. Palma Street, Barangay San Roque ning siyudad.

Ang akusado nalutsan og warrant of arrest sa kasong murder.

Gi-serve sa intelligence operatives sa Cebu City Mobile Force Company ang warrant of arrest sa akusado sa kasong murder.

Si Hon. Alexander N.V. Acosta, 7th Juducial Region, Regional Trial Court, Branch 9, Cebu City ang nag-issue sa warrant of arrest penetsahan April 2, 2025 ug wala'y piyansa nga girekomendar.

Sa nasayran gihingusgan sa kapolisan sa siyudad sa Sugbo ang pagdakop niadtong mga indibidwal nga pinangita sa balaod. (BANAT NEWS)