CPA ni-deploy og kaugalingong K9 Units

CEBU, Philippines — Ang Cebu Port Authority mi-deploy sa ilang kaugalingon mga explosive ug narcotics sniffing dogs alang sa pagpatuman sa hugot nga seguridad sa mga pantalan ilabi na niining pag obserbar sa Semana Santa. Ang maong sniffing K9 naila kini nga si Zach usa ka Labrador dog uban sa iyang handler nga naka duty sulod sa buhatan sa Cebu Port Authority kon CPA. Si Zach kabahin sa 23 ka mga sniffing dogs nga gihuptan sa CPA aron pag-detect og mga kontrabando sa mga pantalan sa Sugbu.

Sa Pier uno, aduna usab duha ka mga Belgian Malinois K9 uban ang ilang mga handler.

Ang CPA nagkuha og kaugalingon sniffing dogs aron makatabang sa ubang mga law enforcement agencies nga nagbantay sa mga pantalan sa Sugbus sumala pa sa tigpamaba sa CPA nga si Maryknoll Bolasa.

Gipahibalo ni Bolasa nga tanang bagahe sa mga pasahero moagi sa x-ray machines sulod sa mga pantalan.  IBM BANAT NEWS