^

Banat Balita

Paghatag og ayuda sa mga senior nalangan

Romeo T. Limpangog - Banat

CEBU, Philippines — Ang walay igong koordinasyon maoy usa sa mga nahimong hinungdan sa nasinati nga kalangan sa pag-apod-apod sa tag P2,000 nga Assistance to Individuals in Crisis Situation (AICS) program ngadto sa kapin sa 400 ka senior citizens sa Barangay Banilad, Dakbayan sa Mandaue niadtong Huwebes, April 10, 2025.                                                                                                                                                Gikataho nga ang mga personnel gikan sa City Social Welfare Services (CSWS) ug City Health Office (CHO) ang gidid-an nga makasulod sa barangay gymnasium sa pagtabang sa maong kalihokan sa Department of Social Welfare and Development (DSWD) nga maoy mo apod-apod sa maong ayuda.                                                                                                                                      

Ug gumikan sa maong kakulian giingong nakurat ang opisyales sa barangay tungod kay wala usab sila masayod nga kuyog diay sa maong pag-apod-apod nga himuon ang mga personnel sa CSWS ug doktor sa CHO nga nagdala og libreng tambal ug medical checkup sa panglawas sa mga senior citizen.                                                                                                                                             Hinuon natigayon gihapon ang pag-apod-apod sa maong cash assistance ngadto sa 457 ka senior citizens nga beneficiaries sa maong programa nga gipasiugdahan sa kagamhanan human sa pipila ka oras nga pagpaabot niiini.                                                                                                                                        

Si Banilad Barangay Konsehal Leo Saberon nagkanayon nga kon gipahbalo pa sila daan posible nga nakahimo usab sila sa pag-andam og lamesa ug mga lingkuranan nga kalingkuran sa magpa-medical checkup nga mga senior citizen.                                                                                                                                      

Si Saberon nipasabot sa ilang gihimo ang pagpugong sa dili pagsulod sa gymnasium tungod kay wala usab sila mabahibalo daan alang unta sa ilang pag-andam daan sa mga panginahanglan atol sa maong kalihokan. BDB BANAT NEWS

ASSISTANCE TO INDIVIDUALS IN CRISIS SITUATION

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with