Mga PDLs sa Talisay pabotaron
CEBU, Philippines — Mahimo ra gyud kaayo nga magpatukar sa ilang jingle sa pagpangampanya ang mga politiko sa Dakbayan sa Talisay diha sulod sa prisohan.
Kini kung buot nila nga ihimamat ang mga binilanggo nga botante sa Talisay.
Sa pagkakaron, ang Talisay City Jail adunay 116 ka babaye nga botante samtang 706 ang sa mga lalaki nga Persons Deprived of Liberty (PDL).
Sa kinatibuk-an niabot sa 822 ka PDL ang mahimo nga makabotar karong Mayo nga piniliay.
Si Jail Sr. Insp. Marrion Gail Bernadette Dongan, warden sa female dormitory niingon nga kadtong mga politiko nga gusto mangampanya mahimo ra gyud kaayo nga makig-alayon kanila.
Kini aron ilang maproseso ang ilang pagsulod ug ma asistaran pa kini samtang mapaduol ngadto sa mga binilanggo.
Ang Talisay City Jail ang nakig-alayon nasab sa taga Comelec alang sa mga paagi sa pagpabotar sa mga botante. (BANAT NEWS)
- Latest
