Covenant signing gihimo Xsa siyudad sa Talisay

CEBU, Philippines — Bisan walay kontra pagka mayor si Talisay City mayor Gerald Anthony Samsam Gullas, gihimo gihapon sa Commission on Election (COMELEC) ug kapolisan sa Dakbayan sa Talisay ang covenant signing.

Kini aron makuha ang simpatiya sa mga kandidato nga ipabilin nga limpyo ug malinawon ang piniliay sunod buwan.

Si Atty. Richleigh Consulta, comelec officer sa siyudad sa Talisay nibutyag nga ang tibuok grupong Alayon ang nitambong sa kalihukan pinangulohan ni mayor Gullas.

Samtang duha sa upat ka kandidato pagkakonsehal ang nipatim-aw.

Si Police Lt. Col. Maila Maramag, hepe sa kapolisan sa Talisay nibutyag nga ang kandidato mao ang mopakalma sa ilang mga supporter nga ipabilin ang kahapsay aron di mosangpot sa di maayo nga panghitabo. Gihimo ang unity walk paingon sa Talisay City Hall human sa santos nga misa. Lakip sa nitambong mao ang nagkalain-laing ahensya sa gobyerno sa siyudad isip pagpakita sa ilang suporta. (BANAT NEWS)