1,685 ka armas nasakmit sa PRO-7
CEBU, Philippines — Niabot ngadto sa 1,685 ka armas ang nasakmit ug 404 ka tawo ang nasikop sa first quarter sa tuig 2025 sa Police Regional Office (PRO)-7 sa ilang anti-crime operations.
Base sa taho sa PRO-7 nga ang intensified crackdown kabahin kini sa nagpadayon nila nga lakang aron batokan ang illegal firearms ug mas mapalambo ang public safety ilabi na ang umaabot nga May 12, 2025 national ug local elections.
Ang operasyon gilangkuban sa strategic initiatives nga gidesinyo alang sa pagkompiska sa unregistered firearms ug pagsiguro nga matuman ang Comelec gun ban nga giimplementar aron ma-mitigate ang gun-related violence panahon sa eleksiyon.
Gikan sa Enero 1 hangtud sa Marso 31, 2025 ang PRO-7 nagpahigayon og 1,051 operations nga niresulta sa pagsakmit sa 1,685 loose firearms ingon man 26 ka explosives ug 2,302 rounds sa ammunitions.
Sa Oplan Katok, nakapahigayon sila og 584 ka operasyon nga niresulta sa pag-surrender ug pagdeposito sa 615 ka armas diha sa nagkalain-laing police facilities.
Si Police Brigadier General Redrico Maranan, direktor sa PRO-7 nagkanayon nga ang intensified focus sa illegal firearms niresulta kini sa pagkasakmit sa daghang armas ug pagdakop sa mga indibidwal nga nakalapas sa gun ban.
"This crackdown represents a combination of proactive measures aimed at preventing crime and addressing the significant issue of illegal firearms in the region", matud ni Maranan. (BANAT NEWS)
- Latest
