^

Banat Balita

Tulo ka magsuon namatay sa sunog

Rowena D. Capistrano - Banat

CEBU, Philippines —  Tulo ka mga batang managsuon ang nangapaig sa sunog nga niulbo sa Sitio MABAPO, Bayabas Street, Barangay Mambaling ning Dakbayan sa Sugbo, alas-8:15  sa buntag adlaw nga Sabado, duha ka adlaw sa dili pa hingpit motak-op ang Fire Prevention Month.

Ang sunog naglambigit sa mga kabalayan nga giingong nagsugod sa panimalay ni Junrel Abella nga gipuy-an ni Ynica Marie Siaboc ug sa pamilya niini.

Ang sunog giisa lang sa 1st alarm alas -8:43 ug napawong alas – 11:01 sa buntag.  Ang maong sunog nikalas sa mga bata nga sila si Sachzna Lexy Siaboc-6;Razan Kyle Siaboc-4 ug Athena Lexy Siaboc-3, samtang ang naangol ang nisuway pagluwas unta nila nga si Adones Avergedo, 41,  nga nakaangkon og bun-og sa tuo nga bahin sa lawas.

Gisusi karon sa mga imbestigador ang mga report nga gibiyaan nga gipadlakan ang mga bata sa sulod sa ilang balay nga  gituohang nagduwa sila og posporo.

Apan sa mga inisyal nga kasayuran sa pipila ka mga residente sa maong dapit sayo nilakaw ang inahan aron manginabuhi sa Carbon Public Market samtang ang amahan giingong nikuha pa kini usab sa e-bike aron mamasahero.

Ang mga ginikanan sa mga bata ang wala pa mohatag og pamahayag bahin sa nahitabo.

Si Abergedo sa iyang bahin nangayo og pasaylo ug nakonsensya siya nga wala gayud niya nasalbar ang mga bata sa dihang suway iyaha unta silang luwason.

Padung siya maglabay og basura sa gawas sa dihang nakabantay siya nga dunay bagang aso sa ilang palibot.

Dali niyang gipagawas ang iyang mga anak. Nakadungog siya sa mga biktima nga nangayo og tabang maong nisuway siya sa pagkatkat sa balay sa mga bata apan sa dihang iyang giwalis ang ali didto gihapak siya sa kusog nga kayo ug aso, hinungdan sa iyang pagkatagak sa hagip-ot nga hagdanan.

Matud pa niya nawagtangan siya og kusog sa iyang pagkahulog, dunay mga silingan nga nagsige og tawag sa mga bata ug giawhag sila sa paglayat apan uwahi na ang tanan.

Ang kabomberohan miingon nga P750 ,000 ang gibiling danyos sa maong sunog nga nakaapektar og 25 ka mga panimalay, ang 20 naugdaw ug lima ang nakan-an sa kalayo.

Ang kabomberohan nga gipangulohan ni FO2 James Parinasan Investigator on case ang padayon pa sa ilang gihimo nga imbestigasyon.

Samtang si Konsehal Joel Garganera ang dali ra usab nakaabot sa maong dapit ug nimando gilayon sa Department of Social Welfare and Services nga ipanghatag gilayon ang dinalian nga tabang ilabi na sa mga adunay nakalas.

Si Portia Basmayor ang pangulo sa DSWS nibutyag nga  35 ka pamilya o 151 ka individual ang naapektahan.

Dugang pa ni Basmayor ang kagamhanan sa dakbayan mao ang moabaga  sa pagpahiluna sa haya sa mga bata hangtud na sa pag-cremate kanila nga maoy gusto sa mga ginikanan.

Giapod-apod na usab sa DSWS ang pagkaon para sa tulo ka adlaw, Disaster kits ug relief goods. (Banat News)

ADLAW

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with
-->