^

Banat Balita

Sakop sa SWAT nga napusilan luwas ra

Decemay P. Padilla - Banat

CEBU, Philippines — Anaa sa luwas nga kahimtang ang kondisyon sa panglawas usa ka personnel sa Special Weapon and Tactic (SWAT) kinsa anaa karon sa pribadong tambalan.

Ang maong sakop sa SWAT naangol kini human mapusili sa usa ka lalaking armado nga ilang gialarmahan diha sa Balagtas Street, Barangay Pahina Central, Siyudad sa Sugbo niadtong Huwebes sa buntag.

Si Police Senior Master Sergeant Allain Abellanosa naigo sa wala nga bahin sa kilay ug wala nga bukton human ang suspetsado nga si Ricardo Regidor alyas “Kardo” katulo nagpabuto sa kalibre .45 nga armas niini dihang na-corner sa kapolisan.

Matud ni Police Lieutenant Colonel Maria Theresa Macatangay, deputy city director for operations ug tigpamaba sa Cebu City Police Office nga pasidunggan og Medalya ng Sugatang Magiting ang maong polis.  "We're recommending him that award", padayag ni Macatangay.

Ang sama nga insidente dili na bag-o alang sa CCPO tungod kay daghan na nga mga polis ang nangadisgrasya ug nakalas ang kinabuhi dihang nitubag og alarma sa away sa pamilya diin inig abot nila sa lugar kalitan sila sa pagpamusil.

Ug gumikan sa maong hitabo nipagawas og kamandoan ang Cebu City Police Office sa tanang personnel nga kon motubag og alarma ilabi na sa mga armed person dili gyud  mokompiyansa diin mosubay sa standard operational procedure aron dili mabutang sa peligro ang ilang kinabuhi.

"With this we are reiterating our guidance to our PNP personnel to always exercise prudence and due diligence and if possible to be ready and with their firearms on hand not just holster when they are responding to this kind of alarm", ni Macatangay pa.

Giawhag usab ang mga station commanders sa Cebu City nga kanunayon ang pagpahimangno sa ilang mga personnel nga alerto kanunay kon motubag og mga alarma. BDB BANAT NEWS

SWAT

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with