^

Banat Balita

Mga kandidato nipahigayon og peace covenant   

Decemay P. Padilla, Rowena D. Capistrano - Banat

CEBU, Philippines — Gipahigayon kagahapon sa buntag sa Cebu Police Provincial Office (CPPO) ang peace covenant signing sa mga kandidato sa Lalawigan sa Sugbo kinsa magpapili sa umaabot May 12, 2025 national ug local elections.

Nitambong sa kalihokan ang mga kandidato sa tibuok Probinsiya sa Sugbo nga naglangkub sa pagka-gobernador, bise gobernador, kongresista ug pagka-bokal sa nagkalain-laing distrito.

Ang maong covenant signing gipasiugdahan kini sa Commission on Election (Comelec) ug CPPO.

Gikataho nga dili tanang kandidato pagka-gobernador ang nakatambong sa maong kalihokan diin wala pa matino ang ilang rason.

Ang kalihokan gisugdan kini og interfaith prayer ug nihatag og mensahe ang mga dinapit nga bisita alang sa umaabot nga piniliay.

Human nanumpa ang mga kandidato alang sa malinawon nga eleksiyon gisunod dayon ang covenant signing diin nipirma ang tanang kandidato sa gimontar nga commitment wall.

Ang maong mga  kandidato nagkauyon nga ipatigbabaw ang kahapsay ug kalinaw ingon man matinud-anon ug limpiyo nga piniliay.

Ug isip panapos, gipalupad nila ang mga puti nga salampati simbolo sa tiunay nga kalinaw.

Samtang si Police Colonel Jovito Atanacio, direktor sa CPPO nagkanayon nga padayon ang ilang hugot nga pagsiguro sa kahapsay ug kalinaw sa Probinsiya sa Sugbo diin bisan og nabutang sa green category ang Cebu apan dili gihapon sila mokompiyansa.

Nunot niini, ang mga nikandidato usab sa Lungsod sa Minglanilla ang nitambong sa peace covenant signing nga gipahigayon diin gisugdan kini sa uinity walk gikan sa plaza sa lungsod  paingon ngadto sa Immaculate Heart of Mary Church kagahapon sa buntag.

Human sa unity walk gipahigayon ang Santos nga Misa dayon angmubo nga programa.

Nitambong sa maong kalihokan ang Comelec, kapolisan, CCIMPEL ug uban pa.

Gibasa sa maong kalihokan ang manifesto ug  dayon ang pagpirmahay sa peace covenant.

Si Mayor Rajiv Enad, kinsa maoy nangulo sa Abante nipadayag nga ang ilang pag -apil sa maong kalihokan isip grupo dili lang isip kandidato apan usa ka individual nga ang ilang tumong mao ang gugma alang sa Minglanilla.

Samtang ang konsehal nga independent Jenny Young nagkanayon nga dako niyang  pasalamat sa nangulo sa maong kalihokan sama sa Comelec, Department of Interior and Local Government kapolisan, Bureau of Fire Protection, Bureau of Jail Management and Penoloy ug simbahan. (BANAT NEWS)

CEBU POLICE PROVINCIAL OFFICE

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with