Tunghaan sa Lapu-Lapu nakasinati og power interruption

CEBU, Philippines — Nakasinati og power interruption ang mga publikong tunghan sa Siyudad sa Lapu-Lapu gumikan sa kakulian sa ilang electrical connection. Naglakip sa maong mga tunghaan ang Pajo National High School kinsa ang principal niini nga si Mitchel Misa nipadayag nga kanunay na nila kining nasinati sukad niadtong buwan sa Enero niining tuiga. Kini ang nakapaumaw  sa ilang kabalaka tungod kay nalambigit man niini ang kasigurohan sa kabataan nga nagtungha sa maong tunghaan.                                                                                                                  

Hinuon  gisusi na kini sa  mga electrician sa pagsuta sa hinungdan ug nahibaw-an  mao ang ilang electrical connection diin ang ilang electrical breaker niadto pa kining tuig 2026 o 2017.                                                                                                                     

Ang maong tunghaan nagdugang kini og building ug nagkadaghan usab ang ilang mga estudyante.Matud ni Misa nga nipahigayon sila karon og energy conservation isip pagsunod usab sa school memorandum pagtubag sa maong kakulian. Naglakip niini mao ang paglimita sa paggamit sa ilang suga ug uban pa nga mga ventilation equipment.                                                                                                                                 

Subay niini, ang  Department of Education Schools Division Office (DepEd) sa Siyudad sa  Lapu-Lapu ang nagpadala na og sulat ngadto  sa buhatan ni Mayor Junard “Ahong”  Chan  sa pagpatabang sa paghatag og kasulbaran sa nasinati karon nilang kakulian sa ilang tunghaan. BDB BANAT NEWS