MCIA napiling best airport sa ASQ award

CEBU, Philippines — Napili sa 2024 Airport Service Quality (ASQ) award ang Mactan-Cebu International Airport isip best airport alang sa 5-15 million passengers per annum nga kategoriya.

Ang maong prestihiyosong pag-ila gikan sa Airports Council International (ACI) World nga ilado sa aviation industry.

Ang tinuig nga ASQ awards naghatag og pag-ila sa airport excellence kalabot sa customer experience base sa direktang feedback sa mga pasahero.

Ang kalamposan sa MCIA giingong ni-reflect kini sa appreciation sa efforts o tinguha sa tugpahanan sa paghatag og maayong customer experience

Si Athanasios Titonis, CEO sa Aboitiz InfraCapital Cebu Airport Corporation (ACAC) nagpasalamat sa ilang team sa maayong pagdumala sa maong tugpahanan.

“I am tremendously grateful to the MCIA team for delivering to its promise of excellence in customer experience. We had been working hard in ensuring we bring world-class airport experience and elevate the perception of airports in the Philippines", matud ni Titonis.

Matud ni Titonis nga ang maong pasidungog yawi sa ilang vision nga mahimong main tourism and transfer gateway ang nasud.

Ang  Mactan-Cebu International Airport Authority mapasigarbohon sa paghangop sa maong pasidungog.

“We have always been proud of what MCIA has accomplished and how it brings pride to Cebuanos. Now, it has brought pride beyond Cebu but also for the entire Philippines. We share this award to all stakeholders and partners who had been instrumental in making this happen”, matud ni MCIAA General Manager Julius Neri. (BANAT NEWS)