^

Banat Balita

Talisay nipahigayon og send-off ceremony sa mga atleta

Gabriel C. Bonjoc, Rowena D. Capistrano - Banat

CEBU, Philippines — Gipahigayon kagahapon sa buntag ang send-off ceremony sa Talisay City Division alang sa delegado nga moapil sa Central Visayas Regional Athletic Association (CVIRAA) nga ipahigayon ngadto sa Bayawan City, Negros Oriental.

Nasayran nga niabot ngadto sa 901 ang gidaghanon sa delegado nga molarga ugma paingon sa Bayawan City.

Matud ni Dr. Arden Monisit, Superintendent sa Talisay City DepEd Division nga karong tuiga maoy pinakadaghan nilang mga atleta nga mapadala ikompara sa nilabay’ng tuig.

Karong tuiga adunay 430 ka atleta samtang sa niaging tuig 300 lang.

Lakip sa naglangkub sa mga delegado karon ang 471 ka coaches ug staffs

Gibutyag ni Monisit nga daghan silang apilan karon nga mga event diin lakip sa mosangka mao ang Palarong Pambansa 2024 gold medalist sa boxing bantamweight junior boys category nga si Aj Basalo kinsa malaomon nga makadala gihapon og bulawan nga medalya aron morepresentar unya sa rehiyon alang sa Palarong Pambansa.

Gipadayag ni Monisit nga gikan sa lima nahimo na usab nga 11 ang ilang mga atleta sa boxing hinungdan nga mapasalamaton siya sa dakong suporta sa mga ginikanan ug labaw sa tanan sa local ngakagamhanan nga gipangulohan ni Mayor Gerald Anthony “Samsam” Gullas, Jr..

Ang send-off ceremony gisugdan kini sa usa ka Santos nga Misa nga gipahigayon diha sa Archdiocesan Shrine of Santa Teresa de Avila ug gisundan sa mubo nga programa diha sa gym sa Barangay Poblacion diin giaapod-apod ang mga bag-ong sapatos, uniform alang sa tanang mga atleta.

Ang maong send-off gitambongan usab ni Gullas diin namulong kini atubangan sa mga atleta, coaching staff ug uban pa ug gitunol usab sa Talisay City Government ang financial support ngadto sa mga atleta.

Samtang si Monisit nibutyag nga kompleto sila diin adunay team nga ipadala ang kagamhanan sa Talisay aron mosusi sa panglawas sa kabataan ug duha ka polis nga mobantay usab sa ilang seguridad.

Dako ang pasalamat ni Monisit sa suporta nga ilang nadawat gikan sa lokal nga kagamhanan.  BDB BANAT NEWS

CENTRAL VISAYAS REGIONAL ATHLETIC ASSOCIATION

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with