Lalaki gi-salvage

CEBU, Philippines — Napalgang patay'ng lawas sa usa ka lalake kilid sa karsada sa Sitio Morga, Barangay Sudlon 1, siyudad sa Sugbo kagahapon alas 5:30 sa buntag, Huwebes, Marso 6, 2025.

Sa pakutlo ning  maong balita wala pa nailhi ang patay’ng apan dunay nag ingon nga taga Barangay Lagtang, Dakbayan sa Talisay kini.  Ang biktima nagsul-ob cargo pants ug color apple green nga t-shirt ug wala'y tsinelas.

Nagkanayon ang Chief Tanod sa Barangay Sudlon 1 nga si Joseph Bantilan nga alas 5:30 sa buntag nakadawat sila og report nga dunay patay'ng lawas nga gilabay sa lugar.

Ang mga residente duol sa lugar nitug-an nga nakadungog sila og duha ka buto.

Gihiling sa mga personnel sa Scene of the Crime Operations(SOCO) ang patay'ng lawas ug nakita ang samad pinusilan likod nga bahin sa ulo.  Naka-recover sab sila og usa ka empty shell gikan sa wala pa matino nga kalibre sa armas.  Wala'y nakuha nga ID sa pitaka niini nga dunay sulod nga P627. Padayon ang imbestigasyon sa Cebu City Police Office mahitungod sa maong insidente. (BANAT NEWS)