Mga tinun-an nga dili kahibawo mobasa gipaubos sa ARAL program

MANILA, Philippines —  Miabot sa 450 ka mga tinun-an sa Dakbayan sa Talisay nga dili pa kahibawo mobasa ang gipaubos sa tutorial.

Ubos kini sa programa sa siyudad sa Naga pinaagi sa ilang Academic Remediation Acceleration and Livelihood (ARAL) inubanan sa Chalkboard Inc. ug sa Department of Education (DEPED) sa Naga.

Karong tuiga, ang ARAL program gipatuman sa siyam ka mga elementary schools diin 450 ka mga tinun-an sa grade 3 nga di pa kamao mobasa ang gipaubos sa tutorial o pagtudlo.

Ipaubos sila sa 50 ka oras nga tutoring program sa basic reading intervention.

Ang mga gipili nga teacher aides nga gi train sa chalkboard inc maoy nagkupot sa pagtudlo sa mga bata.

Nahibaw-an nga daghan sa mga tinun-an ang namalik sa ilang grado tungod kay dili pa kini kamao mobasa gumikan sa pag igo sa pandemya diin ang mga tinun-an nagsalig lang sa modular nga klase.

Sa miaging tuig, adunay maayong resulta ang programa diin ang mga gipangtudloan og basa niabot sa 97 porsyento ang nakat-on na sa pagbasa. (CEBU NEWS)