Gen. Torre gidayeg sa mga magbabalaod
CEBU, Philippines — Gidayeg sa mga magbabalaod ang hepe sa Philippine National Police Criminal Investigation and Detection Group nga si General Nicolas Torre III kinsa nihimo og aksyon bahin sa matud pa gibuhiang pamahayag ni kanhi presidente Rodrigo Duterte nga ipapatay ang kasamtangang 15 ka mga senador aron makalingkod ang iyang mga giendorsar.
Si Torre mao sab ang nangulo sa pagsikop sa gipangita sa balaod nga karon nikandidato sa pagkasenador nga si pastor Apollo Quiboloy, niduso og kasong inciting to sedition ug unlawful utterance batok ni Duterte tungod sa maong gihulagway nga hulga.
Apan daan ng namahayag ang kampo ni Duterte nga dili kadto seryuso. Naanad na ang kanhi pangulo og mga ingon ani nga komedya nga usahay apil ang paghulga sa kinabuhi sa uban.
Si Torre sab maoy niparonda sa balay sa Cebu-based vlogger nga si Ernest “Jun” Abines nga supporter ni Duterte nga gipasanginlan niyang nagpakatap og fake news. Si Abines usa sa matud pa giimbitar sa QuadCom apan wala motungha didto.
“In today’s digital age, truth matters more than ever. We commend the CIDG chief for his commitment to upholding facts and holding accountable those who deliberately mislead the public,” matud pa sa joint statement sa mga magbabalaod nga gipadala sa media.
Silang Reps. Robert Ace Barbers, Bienvenido Abante, Zia Alonto Adiong, Paolo Ortega V ug Jay Khonghun mipasidaan sa publiko bahin sa kapeligro aning pagkatap sa fake news ug misinformation tungod kay makapalibog kini ug makapahuyang sa pagsalig sa katawhan sa demokrasya.
“Fake news is a serious threat to our society. It misleads people, distorts public discourse and puts lives at risk. Those who spread false information should be held responsible for the damage they cause, whether to private individuals, public servants or the Filipino people as a whole,” matud pa nila.
Si Torre mao ang kaniadto police director sa Davao Region ug maoy nangulo sa pag-aresto kang Quiboloy, kinsa naila nga kaalyado ni Duterte, ug nagatubang og kasong human trafficking.
“In this new era of governance, those who break the law are not silenced or killed. There are no extrajudicial killings here. Instead, we hold them accountable through the legal process,” dugang pa sa mga magbabalaod. — /IBM
- Latest
