Nag-rambol sa Mango gipaslak sa prisohan
CEBU, Philippines — Gibalhog sa prisuhan ang lima ka mga lalake human sila nagrambol sa usa ka diskohan diha sa General Maxilom Avenue, Barangay Kamputhaw, siyudad sa Sugbo kagahapon sa kadlawon, Biyernes, Pebrero 21, 2025.
Ang mga nadakpan mao ang mag amahan nga sila si alyas Rey, 49 anyos ug anak niini nga si alyas Josh, 19 anyos, pulos residente sa Barangay Guadalupe Cebu City.
Samtang ang laing tulo nga ilang nakaaway nga nasikop sab mao ang mag-igsuon nga sila si alyas Edwin, 26 anyos ug alyas Eljon, 22 anyos ug ilang barkada nga si alyas John, 24 anyos, pulos nagpuyo sa Sitio Tabok, Barangay Pit-os ning siyudad.
Managlahi ang estorya sa duha ka grupo nga hinungdan sa ilang pag lamok-lamok.
Ang amahan nga si alyas Rey miingon nga human padung na sila mouli gikan nag-inom sa iyang sa anak, apan sa dihang mosakay na unta na sila motorsiklo giingong kalit matod pa siya gibunalan og helmet sa nawong.
Gatuo sila nga nasuya ang pikas grupo kay sa ilaha moduol ang mga babaye.
Apan ang grupo nila ni alyas Edwin mihimakak sab sa pasangil ug mipasangil pud nga sila maoy giunhan kay gituok ni alyas Rey ang iyang kauban mao nga ilaha kining gilabanan.
Niresponde ang kapulisan sa Abellana Police Station 2 nga miresulta nga sila gidakop ug napriso. Kasong alarm and scandal ang atubangon sa mga dinakpan. IBM BANAT NEWS
- Latest
