Krimen sa Central Visayas nikunhod og mayo

CEBU, Philippines — Nikunhod ang crime rate 66.62 percent sa Central Visayas base sa report sa Police Regional Office(PRO)-7 kun itandi sa samang mga buwan sa nakalabay nga tuig.

Sa Enero 2024 ang rehiyon nakatala og 767 ka crime incidents samtang sa Enero karong tuiga naa nalang kini sa 256 diin 511 ang pag-ubos niini o 66.62 percent.

Gihimug-atan ni PRO-7 Regional Director Brigadier General Redrico Maranan nga ang pagkunhod sa kaso nagpakita sa trend sa pagmenus sa criminal activity sa Rehiyon.

"This downtrend pattern highlights the effectiveness of law enforcement efforts and community engagement in improving safety and security throughout the region. Such positive changes indicate a promising shift towards a safer and more peaceful Central Visayas community and visitors alike,. I salute my men on the ground for their relentless efforts and commitment to duty," sigon ni Maranan.

Giila niya ang mga nagkalain-laing police units ug stations nga mas nipalambo pa sa ilahang visibility pinaagi sa strategic initiatives sama sa 24/7 checkpoints.

Gidayeg sab niini ang wala'y paglubad nga dedikasyon sa law enforcement personnel nga nihimo gyud sa ilahang trabaho aron maprotektaran ug suportahan ang komunidad, paniguraduhon ang kaluwasan sa katawhan.

Si Maranan miingon ang positive changes nagpakita sa pagtuman sa direktiba ni Chief PNP General Rommel Marbil nga nag-emphasize sa proactive policing, community collaboration ug unified commitment alang sa luwas ug progresibong Region 7. IBM BANAT NEWS