Kapin 30 ka tindera maapektuhan sa pag-ayo sa merkado sa Tabunok

CEBU, Philippines — Sugdan na sa pag ayo ang gutter sa merkado sa Tabunok sa Dakbayan sa Talisay.

Kini tungod kay nabuslot na kini nga maoy hinungdan sa pagtulo sa tubig panahon sa ting-uwan ug mag iyahay na sa pagpadaplin ang mga manindahay sulod sa merkado.

Si Rolando Kapa Jr., market supervisor sa siyudad nibutyag nga iyang gipatawag ang mga manindahay nga maapektohan sa pag ayo sa merkado aron pasabton kini.

Niabot sa 30 ngadto sa 35 ka mga tindera ang temporaryo nga mapahikling.

Apan nipasabot si Kapa nga di kaayo kini maka apekto sa operasyon sa merkado tungod kay anam-anam raman ang trabaho niini.

Sigon pa ni Kapa nga sa dihang giabli ang merkado sud sa unom ka tuig karon pa kini nakasinati sa pagkaguba.  MEL BANAT NEWS