12 ka PDL sa Talisay City Jail migradwar na sa ilang programa
CEBU, Philippines — Nagmalampuson ang 12 ka mga Person Deprived of Liberty (PDL) sa Talisay City Jail Male Dormitory sa programa sa pagbag-o sa ilang kinabuhi.
Kini human sila gipaubos sa Katatagan, Kalusugan at Damayan sa Komunidad (KKDK) Program.
Gihimo nila ang 24 ka modules o mga tahas diin sila nagmalampuson niini.
Ang programa gihimo nga maoy mogiya sa pag usab sa usa ka tawo sa ilang panglantaw sa kinabuhi.
Nisalmot usab nila ang upat ka kanhi PDL nga nabalik na isip normal nga miyembro sa komunidad.
Si Jail Sr. Insp. Royette Arcipe sa BJMP regional office ang nihatag sa ilang sertipiko sa pagmatuod sa ilang kalamposan sa programa.
Nihatag usab siya og mensahe sa panghinaot sa mga PDL nga dili na sila mabalik sa prisohan ug hingpit na nga magpuyo nga matinumanon sa balaod. (BANAT NEWS)
- Latest
