Nag-chill ride nasampak sa kahoy patay
CEBU, Philippines — Patay ang usa ka 33-anyos nga lalake human nabangga ang gimanehong motorsiklo sa kahoy diha sa Sitio Buslot, Barangay Busay, siyudad sa Sugbo,Domingo sa gabii, Disyembre 8, 2024.
Ang biktima mao si Antonio Rannan Pontillas Arigo, 33, nagpuyo sa B2, 288 Dr. Sue Drive, Nasipit, Talamban ning siyudad.
Sa impormasyon sa Traffic Enforcement Unit sa Cebu City Police Office(CCPO) ang biktima gamaneho sa iyahang motorsiklo padulhog.
Giingong ni-overtake kini sa gaunang pribadong sakyanan apan aksidente kining nabangga sa kahoy. Gumikan sa kakusog sa impact nakaangkon og grabeng angol sa kalawasan ang biktima nga maoy rason sa iyahang hinanaling kamatayon.
Ang personnel sa Cebu City Emergency Medical Services apan wala nay pulso ang biktima.
Matud pa sa higala sa biktima nga si Lance Kevin Navarro, gikan kini nag chill ride uban sa iyang amigo ug gikataho nga nakainom.
Dugang pa ni Navarro, atol sa pag-abot sa maong dapit wala nay kinabuhi ang ilang amigo human gideklarar sa mga responder nga wala nay kinabuhi.
Gitug-an ni Navarro, sila sa iyang mga kauban sa grupo ang magtinabangay sa paglihok uban sa giingong nagbuhi sa namatay kay ilo na kini sa mga ginikanan ug wala usab igsuon.
Ang grupo ni Navarro niawhag sa mga kaparehas nilang mga motorcycle clubs nga kinahanglan gayud ang dugang pag amping kay usa ra ang kinabuhi. (BANAT NEWS)
- Latest
