David na-promote pagka Cardinal
CEBU, Philippines — Gi-promote ngadto sa pagka usa ka cardinal ni Pope Francis si Bishop Pablo Virgilio David sa Diocese of Kalookan diha sa St.Peter’s Basilica sa Vatican.
Si David mao na ang ika-napulo nga Filipino nga nakaangkon og susama ka prestihiyoso ug gamhanang ranggo sa Simbahang Romano Katoliko.
Ang seremonya gihimo atol sa consistory niadtong Sabado sa Vatican, kauban ni David ang 20 sab ka mga bag-ong na-promote nga cardinals gika sa unom ka kontinente sa kalibutan.
Ang consistory usa kini ka panagtigom sa mga cardinals nga pangulohan sa Santo Papa ilabi na sa solemneng promulgasyon sa mga papal acts o mga balaod.
Atol sa seremonya, ang mga bag-ong cardinals gipalitok sa Kredo ug nanumpa nga magpabilin silang sulogoon sa Santo Papa ug sa mosunod kaniya.
"Walk in the way of Jesus: together, with humility, wonder and joy," mensahe pa ni Pope Francis ug mipasidaan bahin sa mga tentasyong nagtangag aning pagbaton og gahum.
Ang ubang mga na-promote nga cardinals nagagikan sa Algiers, Tehran, Tokyo ug Abidjan.
Si David nagserbisyo sa simbahan sud na sa upat ka dekada sukad nga siya naordinahang pari sa Archdiocese of San Fernando, Pampanga niadtong 1983.
Siya karon ang presidente sa Catholic Bishops' Conference of the Philippines sugod 2021;
Vice president of the Federation of Asian Bishops' Conferences. — /IBM (BANAT NEWS)
- Latest
