227 ka homeowners sa Mandaue nisalmot sa solidarity week

CEBU, Philippines — Ang kagamhanan sa Siyudad sa Mandaue nga gipangulohan ni Mayor Glenn Bercede ang  nakighiusa  sa gipahigayong kalihokan sa  pagsaulog  sa ika-36 nga kasaulogan sa Urban Poor Solidarity Week 2024.

Nunot niini, sa pagpadayon sa mga kalihokan sa pagsaulog sa Urban Poor Solidarity Week nagpahigayon ang Housing and Urban Development Office (HUDO) og Balay Paglaum Larong Pinoy.

Nisalmot sa kalihokan ang 227 ka homeowners gikan sa nagkalain-laing barangay sa Dakbayan sa Mandaue.

Ang Balay Paglaum Larong Pinoy gihimo alang sa kahiusahan sa mga homeowner nga sakop sa Urban Poor.

Gitinguha sa kagmhanan sa siyudad ang pagpalig-on sa organisasyon sa Urban Poor aron aduna silay kadasig sa pagpadayag sa ilang mga concern sa pagtinabangay alang sa hingpit nga pag-abante sa Siyudad sa Mandaue,

Atol  sa maong kalihokan ang  mga sakop sa urban poor nga nisalmot sa kalihokan ang  nakadawt usab og nagkalainlaing hinabang  sama sa bugas, mga pagkaon lakip na ang pa-raffle isip tubag sa ilang mga panginahanglan. — /BDB (BANAT NEWS)